केशवसृष्टीच्या ग्रामविकास योजनेअंतर्गत ‘साई निशेत ह्या गावाचा विकास’ ह्या उपक्रमाचा शुभारंभ दिनांक ३ ऑक्टेाबर २०२१ रोजी झाला. अुत्कर्ष मंडळ विलेपारले यांनी या कामांची जबाबदारी घेतली आहे. मंडळाचे सभासद ह्या प्रसंगी उपस्थित होते. त्या दिवशी ग्रामस्थांनी मोठ्या आपुलकीने आणि वाजतगाजत मंडळाच्या सभासदांचे स्वागत केले.त्यानंतर गावाकडील प्रथेप्रमाणे पारंपारीक नृत्य सादर केले गेले. समाजमंदिराच्या हॅालमध्ये गावकरी मोठ्या संख्येने जमले होते.केशवसृष्टीच्या प्रतिनिधीने ग्रामविकास योजनेबद्दल आणि साई निशेत गावाबद्दल माहीती दिली. त्यानंतर अुत्कर्ष मंडळाच्या पदाधिकाऱ्यांनी सभेला संबोधित केले आणि नजिकच्या काळात कोणती कामे गावकऱ्यांच्या सहकार्याने करण्याचे योजिले आहे हे थोडक्यात सांगितले. गावाचा सर्वांगीण विकास करायचा असेल तर शिक्षण, आरोग्य, शेती विषयी सुधारणा आणि स्वच्छता या विषयांवर पुढील काळात भर द्यावा लागेल असे मत सभेत मांडण्यात आले.

त्या दिवशी गावकर्‍यांसाठी मंडळाने विविध विषयांवरील पुसतके देऊन वाचनालय सुरू केले आणि एक संगणकही गावास दिला. त्या दिवशी गावात खूप उत्साहाचे वातावरण होते. कार्यक्रमाची सांगतां ग्रामस्थांनी आयोजलेल्या चवदार भोजनाने झाली.